Kombëtarja e Ekuadorit në futboll mund të përjashtohet nga Botërori Katar 2022.

Kjo për shkak të dyshimit se ata kishin falsifikuar dokumentet e mbrojtësit të djathtë, Byron Castillo, duke thënë se ai është 24-vjecar dhe ka lindur në Ekuador.

Por, Dailymail ka publikuar një raport me dokumente dhe audio-incizime ku vërehet se Castillo e pranon që nuk ka lindur në Ekuador, dhe në të vërtetë ai është nga Kolumbia dhe është 27-vjecar, përcjell arbresh.info.

Për këtë rast, edhe Federata e Futbollit të Kilit në muajin prill kishte dërguar një ankesë në FIFA me pretendimin se Castillo është kolumbian dhe në Ekuador është vetëm emigrant i paligjshëm, jo shtetas ekuadorian.

Megjithatë, sipas raportit të Dailymail vërehet se FIFA i ka ‘mbyllur’ sytë për këtë rast./arbresh.info